Alman vətəndaşlarının ən böyük qorxusu
"Funke" media qrupu "Kantar Emind" ictimai rəy institutundan almanların ən böyük qorxusunu soruşdurmağı xahiş edib.
"Ölkə.Az" xəbər verir ki, sorğu nəticələrinə əsasən almanlar ən çox iqlim dəyişikliyi, yeni müharibə və terror aktlarından qorxurlar.
Sorğu nəticələrinə əsasən almanların 71 %-i düşünür ki, qlobal istiləşmə çox ciddi təhlükədir. 65% alman yeni müharibələrdən qorxur. 63% almanın ən böyük qorxusu isə terror aktlarıdır.
Sonra isə reytinqdə 62% səslə cinayətkarlıq, 59% səslə qocalıqda kasıbçılıq, 45% səslə miqrant axını, 33% isə işsizliklə davam edir.
Sorğu minlərlə Almaniya vətəndaşı arasında aparılıb. Sorğuda iştirak edənlərə 7 variantdan bir neçəsini seçməyə icazə verilib.
Hikmət Həsənov
Ölkə.Az
