Gülnarə Kərimova müvəqqəti təcridxanada saxlanılır
Özbəkistanın eks-prezidentinin qızı Gülnarə Kərimova milli təhlükəsizlik xidmətinin müvəqqəti təcridxanasında saxlanılır.
"Ölkə.Az" xəbər verir ki, bu barədə "Fərqanə" informasiya agentliyinin baş redaktoru və direktoru Daniil Kislov məlumat verib.
Məlumatda deyilir: "Gülnarə Kərimova milli təhlükəsizlik xidmətinin istintaq təcridxanasında saxlanılır. Təcridxana Qvardeyski küçəsində yerləşir. Eks-prezidentin qızı 3-cü mərtəbədə, VİP şəxslər üçün nəzərdə tutulmuş korpusdadır".
Qeyd edək ki, 2013-cü ilin oktyabr ayında Kərimovaya qarşı cinayət işi qaldırılıb. Gülnarə vergidən yayınma, korrupsiya və bir sıra cinayətlərdə ittiham edilir.
Hikmət Həsənov
Ölkə.Az
