ABŞ Senatı yeni FTB direktorunu təsdiqlədi
ABŞ prezidenti Donald Tramp prezident seçkilərində Rusiyanın rolunu istintaqa cəlb edən Ceyms Komini vəzifədən uzaqlaşdırmışdı.
"Ölkə.Az" xəbər verir ki, ədliyyə nazirinin sabiq müavini Kristofer Vrey Trampın FTB idarəsi üçün yeni namizədidir. ABŞ Senatı isə bu namizədi vəzifəsinə təsdiqləyib.
Senatda keçirilən səsvermədə Kristofer Vreyin lehinə 95, əleyhinə isə 5 senator səs verib.
Komitə iclasında ondan sədaqətin tələb edilmədiyini bildirən Vrey Senatda FTB kimi bir qurumun qorxusuz, bitərəf və siyasi təsirdən uzaq olması lazım olduğunu qeyd edib.
Qeyd edək ki, Komi 10 may tarixində vəzifədən uzaqlaşdırılıb.
Hikmət Həsənov
Ölkə.Az
