ABŞ rəsmən elan etdi

"Ölkə.Az" xəbər verir ki, diplomat Türkiyənin sərhədindəki müxalif şəhərdə nəzarətin "Əl Nusra" cəbhəsinə keçməsi halında hərbi müdaxilə barədə eyham vurub. Retney deyib: "Nusra cəbhəsi BMT, ABŞ və Türkiyənin terror təşkilatları siyahısındadır".

Diplomat qeyd edib ki, İdlib əyalətində baş verən toqquşşmalarda Nusra Cəbhəsinin əsasını təşkil edən "Heyət Tahrir-əl-Şam"ın qələbə qazanması Suriyanın gələcəyinə təhlükə yaradacaq.

İnternetdə yayımlanan açıqlamada deyilir: "Suriyanın şimalı tarixinin ən böyük faciələrindən birini yaşayır. İdlibdə Nusra cəbhəsinin hakimiyyət qurması böyük təhlükə kəsb edir".

2 milyon əhalisi olan İdlib Suriya hökumətinə qarşı savaşan silahlı qruplaşmaların əlində olan yeganə vilayətdir. Bu səbəbdən həm Suriya ordusu həm də Rusiyanın hava əməliyyatlarının hədəfinə çevrilib. Retney bildirib ki, İdlibdə baş verəcək ağır nəticələrə görə "Heyət Tahrir əl-Şam" lideri Əbu Məhəmməd və qruplaşması məsuliyyət daşıyır. Bunu hamı bilməlidir.

Retney İordaniyanın paytaxtı Amman şəhərində Suriyanın cənubi-qərbində atəşkəs elan edilməsi üçün Rusiya ilə aparılan gizli danışıqları aparan şəxsdir.
Diplomat bildirib ki, İdlibdə Nusra cəbhəsi ilə əlaqəsi olan bütün döyüşçülər "Əl Qaidə"nin bir parçasıdır və adlarını dəyişdirsələr də, ABŞ-ın hədəfi olaraq qalacaqlar.

Hikmət Həsənov
Ölkə.Az