Təyyarə çimərlikdə istirahət edən insanları əzdi
Portuqaliyanın paytaxtı Lissabon şəhərində təyyarə qəzası baş verib.
"Ölkə.Az" xəbər verir ki, kiçik sərnişin təyyarəsi çimərlikdə qətliam törədib. İki sərnişini olan təyyarədəkilərin burnu qanamasa da, çimərlikdə günəş vannası qəbul edən iki nəfər həlak olub.
Təyyarə təcili eniş etmək məcburiyyətində qalıb. Portuqaliya mətbuatı bildirir ki, sahildə günəş vannası qəbul edən onlarla insan olsa da, təyyarə enib və iki nəfəri əzib. Xəsarət alan şəxslər hadisə yerindəcə həlak olublar. Həlak olanlardan biri azyaşlı uşaqdır.
Lissabon yaxınlığındakı ən böyük çimərliklərdən sayılan Sao Joao de Caparica avqust aylarında çox qələbəlik olur. İnsident barədə isə istintaq başlayıb.
Hikmət Həsənov
Ölkə.Az
