Dubayda 79 mərtəbəli bina yandı

"Ölkə.Az" xəbər verir ki, gecə saatlarında başlayan yanğın 337 metr hündürlüyündə olan binanı cənginə bürüyüb. Şəhərdə panikaya yol açan yanğın insan qışqırıqları ilə müşayiət olunub.

Hadisə yerinə çoxsaylı yanğınsöndürən maşın və təcili tibbi yardım briqadaları cəlb edilib.

Bina sakinlərindən biri deyib: "Yatmışdıq, yanğın siqnalı və insanların səsinə oyandıq. Pilləklənlərlə qaça-qaça aşağı düşdük. Gecə saat 01:00 radələrində yanğın çox güclü idi. İki saatdan sonra nəzarət altına alındı".

12-ci mərtəbədə yaşayan bina sakini isə əvvəlcə yuxarı mərtəbələrin yandığını, sonra isə aşağıya endiyini söyləyib.

Dubay mülki müdafiə idarəsi isə 04:00 radələrində yanğının söndürüldüyünü açıqlayıb.

Qeyd edək ki, yanğında ölən və yaralanan olmayıb.

Hikmət Həsənov
Ölkə.Az