ABŞ, Cənubi Koreya və Yaponiya razılaşdı
ABŞ, Cənubi Koreya və Yaponiya Pxenyana təzyiq etmək barədə razılığa gəlib.
"Ölkə.Az" xəbər verir ki, tərəflərin məqsədi Şimali Koreyanın hərbi təxribatının qarşısını almaqdır.
Qeyd edilir ki, Cənubi Koreya prezidentinin milli təhlükəsizlik idarəsinin rəisi Çon İy Yena, ABŞ prezidentinin milli təhlükəsizlik üzrə müşaviri Gerbert Makmaster və Yaponiyanın milli təhlükəsizlik məsələləri üzrə Şurasının sədri Setaro Yati arasında video konferans keçirilib. Konferansda tərəflər Şimali Koreyanın ballistik raket sınaqlarının dünya üçün təhlükə olduğunu vurğulayıblar və bu sınaqların Şimali-Şərqi Asiya regionunda stabilliyə təhdid kimi qiymətləndiriblər. Tərəflər Şimali Koreyanın nüvə-raket problemini nizamlamaq barədə əməkdaşlıq qurublar.
Hikmət Həsənov
Ölkə.Az
