Pakistanda yeni hökumət formalaşdı
"Ölkə.Az" xəbər verir ki, Şahid Hakan Abbasi tərəfindən qurulan hökumət and içərək fəaliyyətə başlayıb. Pakistanın prezidenti Məmnun Hüseyn hökumətin 47 üzvünün andını qəbul edib.
Yeni hökumət 28 iyul tarixində korrupsiya istintaqına görə istefaya gedən Navaz Şərif hökumətindən tərkibinə görə demək olar ki, fərqlənmir. Yeni hökumətdə 28 federal, 19 dövlət naziri olacaq.
Ölkənin xarici işlər nazirliyi dəyişikliyə məruz qalıb. Son dörd ildə XİN-ə baş nazir rəhbərlik edib. Baş nazirin xarici işlər üzrə müavini xarici işlər nazirliyini idarə edib. Ölkənin sabiq müdafiə naziri Xəvəc Asif XİN rəhbəri seçilib. Müdafiə naziri postuna isə sabiq ticarət naziri Kuram Dəstəgir gətirilib.
Digər nazirlik və qurumlarda da müəyyən dəyişikliklər edilib.
Hikmət Həsənov
Ölkə.Az
