“Barselona” Neymara əvəz tapdı
İspaniyanın “Barselona” klubu Dortmundun “Borussiya”sı ilə hücumçu Usman Dembelinin transferi barədə razılığa gəlib.
Bu barədə beIN Sports nəşrinin jurnalisti Tankredi Palmeri öz Twitter səhifəsində yazıb.
Kataloniyalılar 20 yaşlı fransalı futbolçu ilə müqavilənin şərtlərini razılaşdırıblar. “Barselona” rəhbərliyi Usman Dembeleni heyətə qatmaq üçün 80 milyon avrodan keçməyə hazırdır.
Xatırladaq ki, avqustun 3-də “Barselona”nın hücumçusu Neymar Fransanın PSJ komandasına transfer edilib.
Usman Dembele 2016-cı ilin yay aylarında “Borussiya”nın heyətinə qatılıb. Ötən mövsüm futbolçu 49 oyuna çıxıb, 10 qol və 21 məhsuldar ötürmə ilə yadda qalıb. (oxu.az)
Ölkə.Az
