Amerika koalisiyasına yeni ittiham
Amerikanın rəhbərlik etdiyi beynəlxalq koalisiya Rakkaya fosforlu bombalarla hücuma keçməkdə ittiham edilir.
"Ölkə.Az" xəbər verir ki, Rakkadakı xəstəxanaya 20 fosforlu raket atılıb. Bu raketlər ABŞ-ın rəhbərlik etdiyi beynəlxalq koalisiya qüvvələri tərəfindən atılıb. Bu barədə Suriyanın "SANA" agentliyi xəbər yayıb.
"Qızıl aypara" cəmiyyətinin yerli təşkilatının sədr müavini Din əl-Əsəd bildirir ki, şəhərdəki 100 min sakinə xidmət göstərən xəstəxanada heç bir İŞİD terrorçusu olmayıb. Həm də elektrik generatorları, təcili tibbi yardım maşınları və xəstəxananın daxili bölmələri bombalanıb.
Hikmət Həsənov
Ölkə.Az
