Sumqayıtda yataqxanada partlayış olub: 25 yaralı
Sumqayıtda yataqxanada partlayış, ardınca yanğın olub.
Sumqayıt Təcili Yardım Xəstəxanasından verilən məlumata görə, 25 nəfər xəstəxanaya yerləşdirilib.
Həmçinin qeyd edilir ki, 1 nəfər 14 yaşlı qızın vəziyyəti ağır olduğundan reanimasiya şöbəsinə yerləşdirilib.
***
Ölkə.Az Fövqəladə Hallar Nazirliyinə istinadən xəbər verir ki, yanğın şəhərin İsmət Qayıbov küçəsində yerləşən yataqxananın üçüncü mərtəbəsində baş verib. Hadisə yerinə bir neçə yanğınsöndürən maşın cəlb edilib. Yanğının söndürülməsi istiqamətində tədbirlər görülür.
Yanğının səbəbi hələlik məlum olmasa da, ölən və yaralananların olduğu bildirilir.
Hadisə nəticəsində ondan artıq şəxsin zəhərlənmə ilə Sumqayıt şəhər Təcili Tibbi Yardım Xəstəxanasına yerləşdirildiyi bildirilir.
