Şimali Koreya: "ABŞ olduğu müddətcə nüvə problemi müzakirə edilməyəcək"
Şimali Koreya hökuməti nüvə problemi ilə bağlı açıqlama verib.
"Ölkə.Az" xəbər verir ki, Şimali Koreya ABŞ tərəfindən nüvə təhlükəsi və düşmənçilik təhdidi davam edəcəyi təqdirdə Koreya yarımadasında nüvə probleminin müzakirə edilməyəcəyini bəyan edib.
Açıqlamada deyilir: "Respublikaya qarşı ittiham və nüvə təhlükəsi davam etdiyi üçün kimin deməyindən asılı olmayaraq, biz müdafiə məqsədli nüvə gücünü müzakirə etməyəcəyik və dövləti nüvə dövlətinə çevirməyə davam edəcəyik".
2003-cü ildən 2008-ci ilə qədər Pekində aparılan danışıqlar nəticəsiz qalmışdı. Cənubi Koreya hazırda Şimali Koreyaya dialoq vasitəsilə münasibətləri normallaşdırmağı təklif edir. Pxenyan isə Seulun təklifini qəbul etmir.
Hikmət Həsənov
Ölkə.Az
