Əlcəzairdə bikini üsyanı
Şimali Afrika respublikası Əlcəzairdə insanların çimərliyə istədiyini geyinə bilmək üçün sosial mediada kampaniya başlayıb.
"Ölkə.Az" xəbər verir ki, kampaniyaya qoşulan 150 qadın çimərliyə bikini ilə gedib.
Əlcəzairdə bəzi dairələr bikini əvəzinə burkini ilə çimərliyə getmək lazım olduğunu bildirir. Bu isə çimərlikdə sərbəstlik istəyənlərin etirazına səbəb olub. "Facebook" sosial şəbəkəsində müxtəlif qruplar yaradan qadınlar bir yerə toplaşaraq bikini ilə dənizə giriblər.
Paytaxtda və Annaba şəhərində təşkil edilən kampaniya iştirakçılarından biri "Bura Annabadakı xalq çimərliklərindən biridir və hər şey əla keçdi. Bəzi kişilər bizə baxdılar, çünki buna vərdiş deyillər. Amma sayımız çox olduğu üçün bir söz demədilər".
Hikmət Həsənov
Ölkə.Az
