Partiya sədri: "İlham Əliyev Türkiyə-Rusiya əlaqələrinin genişlənməsinə yardım edə bilər"

Prezident İlham Əliyevin Rusiya kanalına müsahibəsi və Türkiyədə səfərdə olarkən Rusiya prezidenti Putinlə telefon danışığını ASDP sədri Araz Əlizadə Ölkə.az-a şərh edib.

Araz Əlizadə: "İlham Əliyev Rusiya kanallarına çox məntiqli və məzmunlu müsahibə verdi. Prezident müsahibəsində çox gözəl prioritetləri müəyyən etdi və bildirdi ki, Azərbaycan bu status-kvo ilə barışmayacaq. Qarabağla bağlı status-kvo dəyişməlidir.

İlham Əliyev bildirdi ki, Ermənistanın qeyri-konstruktiv mövqeyi imkan vermir ki, Qarabağ məsələsi həll olunsun. Bu eyni zamanda Ermnistan tərəfinə bir mesajdır ki, Azərbaycanın səbr kasaı dolur. İlham Əliyev qeyd etdi ki, dünyada ikili standartlar hökm sürür. Ermənistan BMT-nin Təhlükəsizlik Şurasının qətnaməsini yerinə yetirmir. Bu halda beynəlxalq hüququn məhvinə gətirib çıxardır və böyük dövlətlər də buna göz yumurlar.

Rusiya prezidenti ilə Azərbaycan prezidentlərinin, birincinin Ankarada səfərdə olarkən telefonla danışmaları onu göstərir ki, Putinin Türkiyədə müəyyən maraqları var. O düşünür ki, İlham Əliyev bu işdə ona yardımçı olacaq. Türkiy ilə Ermənistan arasında sərhədin açılmasına İlham Əliyev bir dəfə cavab verib: "Türkiyə öz maraqlarını düşünür düşünsün".

Türkiyənin maraqlarına uyğundursa, istədiyi vaxt Ermənistanla sərhədlərini aça bilər. Azərbaycan Türkiyəyə müəyyən güzştlər edib. Əgər Türkiyə Ermənistanla sərhəddi açsa, bu güzəştlər barədə düşünəcək. Türkiyənin Ermənistanla sərhədləri kağız üzərində bağlıdır. Biz İranı hər gün söyürük ki, öz sərhədlərin Ermənistanla bağlamır. Maraqlı burasındadır ki, İranla Ermənistanın ticarət dövriyyəsi, sərhədləri bağlı olan Türkiyə ilə Ermənistanın ticart dövrüyəsindən daha aşağıdır. Bu indi belədirsə, sərhədlər açılsa görün nə qədər olacaq".

İsayev Əli
Ölke.az