Filippin prezidentindən qalmaqallı açıqlama

 "Ölkə.Az" xəbər verir ki, Dutertenin bu dəfə hədəfi insan haqları olub. Filippin prezidenti deyib: "Hərbçilər, polislər həlak olurlar, siz nəyin insan haqlarından danışırsınız?"

Son dövrlər söyüşlü çıxışları və qalmaqallı açıqlamaları ilə gündəmə gələn Rodrigo Duterte yeni bir açıqlamaya imza atıb. ABŞ-ın xarici işlər naziri Reks Tillerson, Avstraliyanın XİN rəhbəri Culi Bişop və Filippin prezidenti Duterte Manilada görüşüb. Görüşdə Duterte ABŞ-la müttəfiq olduqlarını qeyd edərək insan haqları mövzusundan danışıb. İnsan haqları barədə verilən suala Filippin prezidenti belə cavab verib: "İnsan haqları cəhənnəm olsun. Maravidə müharibə gedir. Əsgərlər və polislər ölürlər. Bu səbəbdən insan haqları mövzusuna girişməyə ehtiyac yoxdur".

Hikmət Həsənov
Ölkə.Az