Çində leysan yağışları 6 nəfərin ölümünə səbəb oldu
Çində leysan yağışları insan tələfatına səbəb olub.
"Ölkə.Az" xəbər verir ki, Çinin mərkəzi Sıçuan əyaləti leysan yağışlarına təslim olub. Nəticədə sel daşqınları və kəndlərdə torpaq sürüşməsi baş verib. İnsident 6 nəfərin ölümünə, 4 nəfərin xəsarət almasına səbəb olub. 20 nəfər isə itkin düşüb.
Sel suları Puqe dairəsinin Tsyaovoçjen yaşayış məntəqəsində bir neçə evi dağıdıb. Bu barədə yerli hakimiyyət orqanları məlumat verib.
Qeyd edək ki, Çinin bir neçə rayonunda leysan yağışları iki həftədir ki davam edir.
Hikmət Həsənov
Ölkə.Az
