Niderland kraliçasının atası vəfat etdi
Niderlandın kraliçası Maksimanın atası vəfat edib.
"Ölkə.Az" xəbər verir ki 89 yaşlı Xorxe Sorrigieta Argentinanın paytaxtı Buenos-Ayresdə dünyasını dəyişib.
Xorxe limfomadan əziyyət çəkirdi. Bu xəstəlik infeksiya yaranmasına səbəb olmuşdu. Məlumatı Sorrigietanın müalicə olunduğu xəstəxananın direktoru verib.
Xorxenin vəziyyəti 5 avqust tarixində kəskin şəkildə pisləşib. Bu səbəbdən qızı Argentinaya uçub. Amma onu xilas etmək mümkün olmayıb.
Bildirilir ki, dəfn mərasimində ailə üzvləri və yaxınlar iştirak edəcək. Kraliça Maksima, Niderlandın kralı Villem-Aleksandr və cütlüyün üç qızı dəfndə iştirak edəcək.
Hikmət Həsənov
Ölkə.Az
