İslamçılar 36 nəfəri edam etdilər

Ən azı ikisinin başı kəsilib.

Ölkə.Az Reuters agentliyinə istinadən xəbər verir ki, Keniyada "Əş-Şabab" terrorçu qruplaşmanın üzvləri 36 nəfəri edam ediblər. Ölkənin şimalında yerləşən Mandera dairəsində terrorçular daş karxanasında işləyənləri müsəlman və qeyri-müsəlman qruplarına bölərək, müsəlman olmayanları güllələyiblər.

Agentliyin yaydığı məlumata əsasən, dini mənsubiyyətinə görə öldürülənlərdən ən azı ikisinin başı kəsilmişdi.

Qeyd edək ki, qanlı döyüşlər bir ay əvvəl 28 avtobus sərnişinin güllələndiyi rayonda islamçılar tərəfindən təşkil olunmuşdu.

Rəşid Mustafazadə

Ölkə.Az