![Quam qubernatoru Şimali Koreyanın hədəsinə cavab verdi: \](https://olke.az/photo/770x415/2017/08/09/86018.jpg "Quam qubernatoru Şimali Koreyanın hədəsinə cavab verdi: \")
Quam qubernatoru Şimali Koreyanın hədəsinə cavab verdi: \"Qorxmuruq\"
Quam qubernatoru Eddi Kalvo Şimali Koreyanın hədələrinə cavab verib.
"Ölkə.Az" xəbər verir ki, qubernator yerli sakinləri təhlükəsizlikdə olduqlarına əmin edib. Eddi xüsusilə qeyd edib ki, hazırda Quam və Marian adalarına heç bir təhlükə yoxdur. Qubernator internetdə yayılan video çarxda xalqa müraciət edib.
Onun sözlərinə əsasən Quamda təhlükəsizlik səviyyəsində dəyişiklik yoxdur. Eyni zamanda ada istənilən şəraitə və hücuma hazırdır.
Quam qubernatoru adanın müharibəyə hazırlığını yoxlamaq üçün xüsusi qrupun yaradılacağını planlaşdırdığını da qeyd edib.
Qeyd edək ki, Şimali Koreya xalq ordusu adaya raket zərbəsi endirəcəyini bəyan edib.
Hikmət Həsənov
Ölkə.Az
