Donald Tramp yeni bir rekorda imza atdı

 "Ölkə.Az" xəbər verir ki, "CNN" kanalının sorğusuna əsasən prezidentə dəstək 38%-ə enib. Bu ABŞ tarixində rekord nəticədir.

3-6 avqust tarixlərində keçirilən telefon sorğusunda 1018 nəfər iştirak edib. Nəticələrə əsasən Tramp ilk 200 günündə ictimaiyyət tərəfindən bu qədər zəif dəstəklənən ilk pezidentdir. Eyni zamanda sorğuda iştirak edənlər təkcə Trampa yox, onun komandasına da etibarlarının azaldığını bildiriblər.

Sorğuda iştirak edən 4 amerikalıdan 3-ü Ağ Evdən verilən açıqlamaların doğruluğuna inanmadığını bildirib. Hətta respublikaçıların yarısı da Ağ Evə inanmadığını bəyan edib.

Trampın səlahiyyətlərini icra etmə məsələsində isə 24% müsbət cavab verib. 47% isə rədd cavabı verib. Fevral ayında prezidenti dəstəkləyənlərin sayı 73 idisə, bu rəqəm indi çox aşağı düşüb.
Amerikalıların 62% Trampın prezident seçildikdən sonra atdığı addımlar və açıqlamaları ilə prezidentə aid inama zərbə vurub.

Hikmət Həsənov
Ölkə.Az