Toy məclisində dava düşdü
Daşkəsəndə toy məclisində dava düşüb.
Ölkə.Az "Report”a istinadən xəbər verir ki, hadisə Daşkəsən şəhərində yerləşən şadlıq saraylarının birində baş verib.
Belə ki, toy mərasimi zamanı qonaqlar arasında müsiqi sifarişi səbəbindən mübahisə yaranıb. Mübahisə əlbəyaxa dava ilə nəticələnib.
Dava zamanı qonaqlardan 3-ü müxtəlif dərəcəli bədən xəsarətləri alıb. Hələ ki adları açıqlanmayan yaralılardan birinin vəziyyətinin orta-ağır, digərlərinin isə vəziyyətinin normal olduğu bildirilir.
Faktla bağlı araşdırma aparılır.
