ABŞ bu iki halda Şimali Koreya ilə müharibəyə qalxacaq
ABŞ Senatoru Sindsi Qrem Şimali Koreya ilə müharibə haqqında açıqlama verib.
"Ölkə.Az" xəbər verir ki, "Respublikaçılar" partiyasının təmsilçisi açıqlamasında ABŞ-ın hansı halda Şimali Koreya ilə müharibəyə qalxacağını bildirib.
ABŞ siyasi həyatına güclü nüfuzu ilə də tanınan senator Donald Trampın Koreya problemi ilə bağlı gurultulu açıqlamalarını da şərh edib.
Qremin fikrinə görə hadisələr iki ssenari üzrə inkişaf etsə, ABŞ-Şimali Koreya toqquşması qaçınılmaz olacaq. Birincisi, əgər Şimali Koreya Quama hücum etsə və ya amerikalıların, onların müttəfiqlərinin digər maraqlarına toxunsa savaş başlayacaq.
Senator deyib: "Əgər Şimali Koreya nüvə başlıqlı qitələrarası ballistik raket istehsalına davam etsə, biz hərəkətə keçəcəyik".
Hikmət Həsənov
Ölkə.Az
