Londonda ikimərtəbəli avtobus dükana çırpıldı
Böyük Britaniyanın paytaxtında yol qəzası baş verib.
"Ölkə.Az" xəbər verir ki, ikimərtəbəli avtobus dükana çırpılıb. Şəhər polisinin xəbərinə əsasən insident nəticəsində xəsarət alanlar var.
"Londonun Uonsuerte rayonunda avtobus dükana çırpılıb. Polis əməkdaşları hadisə yerindədirlər. Bir neçə sərnişinə təcili tibbi yardım əməkdaşları ilkin tibbi yardım göstəriblər"-deyə polis idarəsi Tvitterdə açıqlama verib. Hadisə nəticəsində xəsarət alanların sayı barədə məlumat yoxdur.
Tibb işçiləri isə 6 nəfərə yardım etdiklərini bildiriblər. Qeyd edilir ki, qəza nəticəsində iki nəfər avtobusun ikinci mərtəbəsində qalıb. Xilasedicilər onları azad etməyə çalışırlar.
Hikmət Həsənov
Ölkə.Az
