İran və Tacikistan arasında terrorizm qalmaqalı

8-9 avqust tarixləri arasında Tacikistanın dövlət telekanallarında 45 dəqiqəlik sənədli film yayımlanıb.

"Ölkə.Az" xəbər verir ki, Tacikistan XİN-i tərəfindən hazırlanan filmdə İran 1992-1997-ci illər arasında baş verən vətəndaş müharibəsində terrorçuları maliyyələşdirməkdə ittiham edilib. İran səfirliyi isə bu ittihamları rədd edib.

Tacikistanda məşhur siyasətçilərin, alim və jurnalistlərin qətli rəsmi Tehranın maliyyə dəstəyi və Tacikistanın sabiq müdafiə nazirinin müavini Əbdülhəlim Nazorzadənin sifarişi ilə həyata keçirilib.

İranlı diplomat isə bəyanatında deyib: "İranın ünvanına səsləndirilən bütün ittihamlar tamamilə yalandır. Tacikistanda baş verən vətəndaş müharibəsiin və səs-küylü qətllərin təşkilatçısı və sponsorunun İran olması düzgün deyil. Filmdə məhkum olunmuş şəxslərin ifadələri və artıq həyatda olmayan şəxslərin iddiaları səsləndirilir. Bu isə həqiqət kimi qəbul edilə bilməz".

Səfirin fikrinə əsasən bu film iki xalqın maraqlarına xidmət etmir və müəlliflər Tacikistan ilə İran arasındakı dostluq münasibətlərinə kölgə sala bilməzlər.

Hikmət Həsənov
Ölkə.Az