Yəməndə BƏƏ hərbi helikopteri yerə çırpıldı
Yəmənin Şəbvə şəhərində helikopter qəzası olub.
"Ölkə.Az" xəbər verir ki, Səudiyyə Ərəbistanının rəhbərlik etdiyi koalisiya qüvvələrinin tərkibindəki BƏƏ (Birləşmiş Ərəb Əmirlikləri)-yə aid bir helikopter texniki problem səbəbindən təcili yerə enmək istəyib. Amma helikopterin enişi uğurlu alınmayıb və nəticədə 4 hərbçi həlak olub.
BƏƏ rəsmi xəbər agentliyi bu barədə məlumat yayıb və Şəbvədə qəzaya uğrayan helikopterdə həlak olan əsgərlərin adını açıqlayıb. Koalisiya qüvvələrinin mətbuat katibi polkovnik Türki əl-Maliki bir müddət əvvəl açıqlama verərək bir helikopterin texniki problem səbəbindən təcili yerə endiyini və ekipajın yüngül yaralandığını açıqlamışdı.
Hikmət Həsənov
Ölkə.Az
