İŞİD-çilər peşman olub

İŞİD terror qruplaşmasının yaraqlıları yaşadığı həyatdan narazı qalmağa başlayıblar.

İŞİD üzvlərinin ailələrinə göndərdiyi məktublarda əvvəlki rahat, gözəl həyatlarına həsrət qaldıqlarını yazırlar.

İngiltərənin "Daily Mail" qəzetinin yazdığına görə, İraq və Suriyaya gedən İŞİd-çilər geri dönmək üçün yalvarmağa başlayıblar. Məlumatda bildirilir ki, gündəlik işlərlə məşğul olan, rahat həyatlarından uzaqlaşan yaraqlılar ailələrinə yazdıqları məktublarda çətinliklərdən bəhs ediblər. İŞİD-ə qatılan əcnəbilərin bir çoxu tualet təmizləməkdən və qab-qacaqları yumaqdan şikayət etdiyi də bildirilir.

Xəbərdə deyilir ki, 23 yaşlı hindli Arib Macit may ayında 3 yoldaşıyla terror qruplaşmasına qatılıb. Evinə geri dönən Macit valideynlərinə bildirib ki, cəbhədə döyüşmək yerinə əhəmiyyətsiz işlərdə istifadə olunur. (anspress)

Ölkə.Az