Burkina Fasoda türk restoranına hücum etdilər
"Ölkə.Az" xəbər verir ki, paytaxt Uaqaduquda baş verən hücumda 17 nəfər həlak olub.
"Aziz İstanbul" adlı restorana odlu silahlardan atəş açılıb. Hadisə şahidlərinin məlumatına görə 3 silahlı restorana daxil olaraq salonda əyləşənlərə atəş açıblar. Hadisə yerinə zirehli maşınlarla polislər cəlb edilib. Şəhərin mərkəzinə ordu birləşmələri yeridilib.
Burkina Fasonun rabitə naziri insident nəticəsində 17 nəfərin həlak olduğunu bildirir. 8 nəfər isə xəsarət alıb. Həlak olanların şəxsiyyəti müyyənləşdirilir.
Əldə edilən məlumata əsasən həlak olanlar arasında Türkiyə vətəndaşı da var.
Hakimiyyət nümayəndələrinin ehtimalına əsasən hücum son illər ölkədə aktivləşən cihadçılar tərəfindən həyata keçirilib. Hücumda iştirak edənlər zərərsizləşdirilib.
Hələlik heç bir qruplaşma hücuma görə məsuliyyəti öz boynuna götürməyib.
Hikmət Həsənov
Ölkə.Az
