MKİ sədri: \"ABŞ-ın nüvə müharibəsi astanasında deyil\"

"Ölkə.Az" xəbər verir ki, Pompeo Şimali Koreya ilə nüvə savaşının astanasında olmadıqlarını bildirib. Amma Mayk Pompeo yenə də xəbərdarlıq edib: "Yaxınlaşırlar. 20 ildir ki, çalışırlar və yaxınlaşırlar".

Şimali Koreya və ABŞ-ı müharibəyə sürükləyən raket gərginliyinə qarşı Cənubi Koreya da açıqlama verib. Cənubi Koreyanın prezidenti "Koreya yarımadasında müharibə olmasın" deyib və Şimali Koreyaya təxribatları dərhal dayandırmaq mövzusunda xəbərdarlıq edib.

MKİ sədri Mayk Pompeo isə Şimali Koreyanın nüvə sınaqlarına davam edəcəyini amma Şimali Koreya ilə nüvə müharibəsinin astanasında olduqlarına aid kəşfiyyat məlumatı olmadığını bildirib. Şimali Koreyanın nüvə çalışmalarına davam etdiyini qeyd edən Pompeo deyib: "Şimali Koreya nüvə potensialına yaxınlaşır. 20 ildir çalışırlar və yaxınlaşırlar".

ABŞ prezidenti Donald Tramp administrasiyasının Şimali Koreyaya qarşı apardığı diplomatik mübarizədən bəhs edən Pompeo Şimali Koreyanın regionda tənha qaldığına diqqət çəkib: "Artıq Çin də regionda nüvə silahının olmamasını söyləyir".

Cənubi Koreya prezidenti də "ABŞ-ın mövcud vəziyyəti sakit və məsuliyyətli şəkildə, bizimkinə bərabər bir cavab verəcəyinə əminik".

Qeyd edək ki, Çin də tərəfləri sakit olmağa çağırmışdı.

Hikmət Həsənov
Ölkə.Az