FETÖ-nün kritik şəxsi Özcan Karacan həbs edildi
"Ölkə.Az" xəbər verir ki, hərbi çevriliş gecəsi helikopterləri yönləndirərək Ankarada bir çox məkanın bombalanması əmrini verən və 13 aydır axtarışda olan pilot polkovnik Özcan bu gün səhər saatlarında Antalyada keçirilən əməliyyat nəticəsində həbs edilib. Karacan xüsusi bir qrup vasitəsilə Ankaraya aparılacaq.
Karacan Quru Aviasiya Komandanlığı Hərəkat Mərkəzini ələ keçirib və helikopterləri yönləndirib əraziləri bombalamaqda günahlandırılır.
15 iyulda baş tutan xain dialoq belə olub:
Özcan Karacan : ......
İlkay Ateş: Buyurun, komandirim
Özcan Karacan: (...) yolunda haradan
İlkay Ateş: "Hazırda davam edirik (...) üstündəyəm
Özcan Karacan: Bir kobra zirehli texnikası var. Onu vura bilirsənsə, vur. Vura bilirsənsə kimisə, ya da filankəsi çağır (...) kimisə çağır
İlkay Ateş: Silahlar işləmir, kobra haradadır
Özcan Karacan: Milli Kəşfiyyat İdarəsinin üstündə var, onu çağır
İlkay Ateş: Harda, texnika haradadır, onu haradan tapacağıq
Rafet Kalaycı: Kalaycı MKİ-nin üstündəyəm
Oğuz Yalçın: Konya yolu, Konya yolundan xüsusi təyinatlılar istiqamətində bir polis maşını gedir. Kobra texnikası gedir, dayandırılsın
Ortalıq səsi: Vurulsun
Oğuz Yalçın: Vurulsun, vurulsun
Rafet Kalaycı: Bu çağırış hansı kobraya?
İlkay Ateş: Ali Nero, dostum Konya yolu üzərində xüsusi təyinatlılar istiqamətində hərəkət edən bir kobra texnikası var, onu vuracağıq. Tamam dostum,davam et
Rafet Kalaycı: Nero (...)
İlkay Ateş: Sən MKİ istiqamətində hərəkətinə davam et
Rafet Kalaycı: MKİ istiqamətindəyəm
İlkay Ateş: Ali, sən Konya yoluna gəl
Qeyd edək ki, Karacanın "Mülki əhali, əsgər, polis hamısı düşmənimizdir. Hamısına atəş açın"- ratsiya danışıqları da istintaq hesabatlarında yer alır.
Hikmət Həsənov
Ölkə.Az
