Amerikadan kokain gətirən azərbaycanlı həbs edilib

Peterburq şəhərinin Moskva rayon məhkəməsi Azərbaycan vətəndaşı Tamirlan Qədimov barəsində qərar qəbul edib. O, Rusiya ərazisinə kokain keçirməkdə günahkar bilinib. 

Məhkəmədə sübut olunub ki: 2013-cü ilin 29 sentyabrından gec olmayaraq Qədimov Ekvador Respublikasının ərazisində yaşayan kimliyi müəyyən edilməyən şəxslə və Rusiya vətəndaşı Maryana İmanayeva ilə əlaqə yaradır.

Onlar Rusiya Federasiyasına kokain çatdırmaq barədə razılığa gəlirlər.

Cənubi Amerika ölkələrindən birində olan İmanayeva 1,039 kq kokain əldə edərək, onu şəxsi gigiyena vasitələrinin qablarına yerləşdirir. Qədimov onun yol xərcini ödəyərək, onu Pulkovo-2-də qarşılayır. Qadının əlində kokain olan çamadan olub. Onların hər ikisi Pulkovo-2 parkında FTX əməkdaşları tərəfindən saxlanılıb.

İmanayeva istintaq ilə məhkəməqabağı razılaşma bağlayıb. Məhkəmə onu beş il müddətinə azadlıqdan məhrum edib. Amma Qədimov günahını boynuna almayıb. O, bəyan edib ki, qadının çantasında kokain olduğunu bilməyib. Amma məhkəməni buna inandıra bilməyib. O, 9,5 il müddətinə azadlıqdan məhrum olunub. (oxu.az)

Ölkə.Az