Obama: "Ağır iqtisadi vəziyyət Putini siyasətini dəyişməyə məcbur edəcək"

ABŞ prezidenti Barak Obama Rusiyanın yaxın zamanlarda aqressiv siyasətini dəyişəcəyinə inandığını bildirib.

Ölkə.az "Associated Press" agentliyinə istinadən xəbər verir ki, Ağ Evin rəsmi nümayəndəsi Coş Ernest ABŞ prezidentinin adından bu açıqlamanı jurnalistlərlə paylaşıb.

Ernrst bildirib ki, ABŞ "qara siyahısına Rusiyanın ən nəhəng şirkətləri, o cümlədən yanacaq-energetika sahəsində fəaliyyət göstərən şirkətlər, hərbi sənaye kompleksinə aid olan müəssisələr və iri maliyyə qurumları da daxil ediliblər.

Bu şirkətlər arasında "Qazprom", "Lukoil", "Rosneft", "Qazprom neft" və "Surqutnefteqaz" var. "Qara siyahı"dakı banklar isə aşağıdakılardır: "Sberbank", "Bank Moskva", "Qazprombank", "Rosseslxozbank", Vneşekonombank" və "VTB".

"Artıq Rusiya iqtisadi bu sanksiyaların təsirindən kifayət qədər zəifləyib və Moskva yaxınlarda bu təzyiqlərə dözməyərək siyasətini dəyişmək məcburiyyətində qalacaq", deyə Obamanın sözlərindən sitat gətirən Erest bildirib.

Ölkə.az