Beynəlxalq koalisiyanın avia zərbələri nəticəsində 42 dinc sakin həlak oldu
Ötən sutka ərzində ABŞ-ın rəhbərlik etdiyi beynəlxalq koalisiya qüvvələri Suriyanın Rakka şəhərini bombalayıb.
"Ölkə.Az" xəbər verir ki, nəticədə 42 nəfər dinc sakin həlak olub. Onlardan 19-u azyaşlı uşaqlardır. Zərbələr əsasən şəhərin şimal hissəsinə endirilib.
Koalisiyanın hərbi-hava qüvvələri "Suriya Demokratik Qüvvələri"ni dəstəkləyir. Ərəb və kürdlərdən ibarət bu qruplaşma Rakka küçələrində İŞİD terrorçularına qarşı mübarizə aparır.
Qeyd edək ki, Rakka əməliyyatı 6 iyun tarixində start götürüb.
Hikmət Həsənov
Ölkə.Az
