Ani diqqətsizlik insanlara çətin anlar yaşada bilər
Bakıda kanalizasiya quyuları açıq vəziyyətdə qalıb. Bu isə səkilərdə hərəkət edən vətəndaşlar üçün təhlükə yaradır.
Ölkə.Az-ın Xəzər TV-yə istinadən məlumatına görə, söhbət Heydər Əliyev prospektinin Nizami rayonu ərazisindən keçən hissəsindən gedir.
Səkinin bir hissəsində əmələ gələn çökəklik də insanlar üçün təhlükə mənbəyidir.
Ərazi üzrə cavabdeh olan Nizami rayonu 67 saylı Mənzil-İstismar sahəsinin rəisi Hüseynağa Əliyev bildirib ki, dərhal məsələ ilə bağlı araşdırma aparılacaq və lazım olan tədbirlər görüləcək.
