ABŞ yeni nüvə raketi sifariş verdi

"Ölkə.Az" xəbər verir ki, Birləşmiş Ştatların hərbi hava qüvvələri strateji arsenal üçün yeni qanadlı nüvə raketinin hazırlanması üçün müqavilə imzalayıb. Hər birinin dəyəri 900 milyon dollar olan iki müqavilə "Lockheed Martin" və "Raytheon" şirkətləri ilə imzalanıb.

Hər iki şirkət uzaqmənzilli, qanadlı nüvə raketinin prototipini 4.5 ilə hazırlamalıdır. Müqayisəli analizdən sonra isə ya "Lockheed Martin", ya da "Raytheon" şirkəti ilə ayrıca yeni raket istehsalı ilə bağlı müqavilə imzalanacaq.

ABŞ hərbi hava qüvvələri 1000 belə raket almaq niyyətindədir. Proqramın dəyəri 10 milyard dollardır. Bütün raketlər nüvə başlığı ilə təchiz edilməyəcək. Onlardan bəziləri sınaq üçün istifadə ediləcək. Bir qismi isə ehtiyat kimi saxlanılacaq.

Hikmət Həsənov
Ölkə.Az