Qətərə daha bir zərbə
Körfəz ölkələri və Misirin Qətərlə diplomatik münasibətləri dondurmasından 2.5 ay keçib.
"Ölkə.Az" xəbər verir ki, bu dəfə Mərkəzi Afrika ölkəsi Çad Qətərlə diplomatik münasibətləri dayandırıb.
Çadın xarici işlər nazirliyinin verdiyi yazılı açıqlamada bildirilir ki, Qətərin səfirliyi bağlanıb. Qətər səfirliyinin işçilərinə Çadı tərk etmələri üçün 10 gün vaxt verilib.
Açıqlamada deyilir: "Çad regiondakı sülh və təhlükəsizliyi qorumaq üçün Qətəri Çad və ətrafında qeyri-sabitliyə yol açan bütün fəalliyətini dayandırmağa çağırır".
Çad hökuməti Dohadakı nümayəndəliyini də bağlayıb və diplomatlarını geri çağırıb.
Hikmət Həsənov
Ölkə.Az
