Rusiya Belorus və Kalininqrada 100 min əsgər göndərir
NATO və Qərb ölkələri ilə Rusiya arasında gərginlik davam edir.
"Ölkə.Az" xəbər verir ki, rəsmi Moskva Soyuq Savaşdan bu yana ən böyük hərbi təlimlərə hazırlaşır. Rusiya Belorus və Kalininqrada 100 min hərbçi göndərir.
Rusiya sentyabrın ortalarında ABŞ və Avropaya əzələ nümayiş etdirəcək. Ötən il NATO əsgərlərinin Avropanın şərqinə cəlb edilməsi Moskva ilə Qərbin münasibətlərində gərginliyə səbəb olmuşdu.
14-20 sentyabr tarixləri arasında "Qərb 17" adlı təlimlər üçün 100 min əsgər üç ayrı nöqtəyə cəlb ediləcək. Putinin əmri ilə hərbçilər Belorus, Kalininqrad və Rusiyanın fərqli nöqtələrinə göndəriləcək. İlk rus hərbibirləşmələri artıq Belorusiyaya çatıb.
NATO isə təlimlərə cavab verməyəcək və onu yaxından müşahidə edəcək.
Hikmət Həsənov
Ölkə.Az
