Türklər bunu da etdilər
Türk dünyasında qədimdən qalan bir adət var. Yeni doğulan körpənin bir neçə gündən sonra düşən göbəyini müəyyən yerlərə basdırırlar. Heç təsadüf deyil ki, "göbəyini filan yerə basdırıblar" deyimi də bu adətdən yaranıb. İnanca əsasən körpənin göbəyinin hara basdırılması onun gələcəkdəki taleyinə yön verir.
"Ölkə.Az" xəbər verir ki, ABŞ-ın Boston şəhərində bir qrup türk yeni "Göbekbox" adlı şirkət qurublar. Yeni şirkət Türkiyədən göndərilən körpə uşaqların göbəklərini dünyanın ən prestijli universitetləri sayılan Harvard və MİT-in bağçalarına basdırırlar. Sifarişə uyğun olaraq isə göbək atmosfer şarı ilə kosmosa da göndərilir.
Şirkətin qurucusu Nezih Üzümcüoğlu Türkiyədəki məkanlar üçün 100 lirə, Türkiyədən xaric üçün isə 200-350 lirə aldıqlarını bildirib. Everest zirvəsi və kosmos kimi maraqlı yerlər üçün fərqli qiymət siyasəti həyata keçirilir.
Hikmət Həsənov
Ölkə.Az
