Kiyevdəki partlayışla bağlı iddia
Bu gün Ukraynanın paytaxtı Kiyev şəhərində partlayış qeydə alınıb.
"Ölkə.Az" xəbər verir ki, Qruşevsk küçəsində naməlum əşya partlayıb. İnsident nəticəsində bir qadın və bir kişi bədən xəsarətləri alıb. Hadisə yerində istintaq qrupu və ekspertlər işləyir. Hadisənin təfərrüatları dəqiqləşdirilir.
Hadisə şahidlərinin sosial şəbəkələrdəki məlumatına əsasən partlayış nəticəsində qadın ağır xəsarət alıb. Kişi isə başından yaralanıb.
Bəzi məlumatlara görə Azərbaycan səfirliyinin maşınına partlayıcı maddə atıblar. Partlayışın səbəbi də budur.
Ukrayna rəsmilərinin məlumatına əsasən, baş verən hadisə xuliqanlıqdır. Heç bir terror izi görünmür.
Hikmət Həsənov
Ölkə.Az
