Taylandın sabiq baş naziri ölkədən qaçdı
Taylandın sabiq baş naziri Yinqlak Çinavat krallıq ərazisini tərk edib.
"Ölkə.Az" xəbər verir ki, bu barədə Taylandın rəsmi şəxsi general-leytenan Natatorn Prosntorn məlumat verib.
Sabiq baş nazirin vəkili Noravit Lalaenqin bildirdiyinə əsasən miqrasiya xidməti Çinavatın harada olduğu barədə məlumata sahib deyil. Yinqlakın ölkədə olmadığını vəkil iclas başlamadan bir neçə dəqiqə əvvəl öyrənib.
Taylandın Ali Məhkəməsi məhkəmə iclasında iştirak etmədiyi üçün Çinavatın həbsi barədə order çıxarıb. Yeni proses 27 sentyabr tarixinə təyin edilib. Çinavatı 10 il azadlıqdan məhrum olma cəzası gözləyir.
Qeyd edək ki, Çinavat 2011-2014-cü illərdə ölkəyə rəhbərlik edib. O, dövlət proqramının icrası zamanı korrupsiyada ittiham edilir.
Hikmət Həsənov
Ölkə.Az
