Nigeriyada "Boko Haram"ın 68 üzvü təslim oldu
Nigeriya ordusu ölkənin şimali-şərqindəki Borno əyalətində son 3 həftədir əməliyyatlar keçirir.
"Ölkə.Az" xəbər verir ki, keçirilən əməliyyatlar çərçivəsində "Boko Haram" qruplaşmasının 68 üzvü təslim olub.
Bu barədə polkovnik Onyema Nvaçukvu açıqlama verib. Polkovnik qeyd edib ki, ordu birləşmələri terror qruplaşmasına qarşı həm hava həm də quru əməliyyatları həyata keçirir: "Hava və quru əməliyyatları, bombardmanlar nəticəsində "Boko Haram" qruplaşmasının üzvləri qaçmağa üz tutublar. Onların dəstək almasının qarşısını alırıq".
Qeyd edək ki, "Boko Haram" son illər ərzində Nigeriyada ciddi təhlükəsizlik probleminə səbəb olub.
Hikmət Həsənov
Ölkə.Az
