Avtobusda tanış olan cütlük toyu da avtobusda etdi
Nyu-Yorkda maraqlı toy hadisəsi qeydə alınıb.
"Ölkə.Az" xəbər verir ki, 36 yaşlı Klara Mullins və 42 yaşlı Osvaldo Himenesin toy mərasimi "M14" saylı avtobusda baş tutub. Cütlük 13 il əvvəl bu avtobusda tanış olub.
Nəqliyyat nazirliyi yeni evlənənlərə və 50 qonağa avtobusun salonunda tədbir keçirməyə icazə verib. Toyda həm də təsadüfi sərnişinlər də iştirak ediblər.
Tədbir iki küçənin kəsişməsindəki dayanacaqda başlayıb. Avtobus son dayanacağına çatana qədər mərasim davam edib. Bunun üçün isə 1 saatdan çox vaxt gedib. Bu müddət ərzində bəylə gəlinin dostu salonda içki və yemək paylayıb.
Bəy deyib ki, sevgilisinə tanış olduqları avtobusda evlənməyi təklif edəndə Klara "Əla, təbii ki!" cavabını verib.
Hikmət Həsənov
Ölkə.Az
