Lənkəranda maşın piyadanı vurub
Lənkəranda 1 nəfərin ağır xəsarət alması ilə nəticələnən yol-nəqliyyat hadisəsi baş verib.
Ölkə.Az “Report”a istinadən xəbər verir ki, hadisə Ələt-Astara magistralı yaxınlığında, şəhərin Fizuli küçəsinin döngəsində qeydə alınıb.
Belə ki, Tağıyev Ağamir Rəfi oğlu idarə etdiyi "VAZ-2106" markalı, 10 KM 453 dövlət seriya nişanlı avtomobillə şəxsiyyəti hələ müəyyənləşdirilməmiş orta yaşlı piyadanı vurub. Nəticədə piyada ağır kəllə-beyin travması alıb.
Yaralı xəstəxanaya yerləşdirilib. Həkimlər onun vəziyyətinin ağır olduğunu bildiriblər.
Fakt araşdırılır.
