Silah anbarında partlayışla bağlı 6 kənd BOŞALDILDI

Azərbaycanın “N” saylı hərbi hissəsinin silah-sursat anbarında baş verən partlayışla əlaqədar əraziyə yaxın 6 kəndin əhalisi təxliyə edilib.

Ölkə.Az xəbər verir ki, təxliyə partlayış zamanı mərmi qəlpələrinin həmin kəndlərə yayılması ilə bağlı həyata keçirilib.

Həmçinin əraziyə, Xızı, Siyəzən və Şabran rayonlarından 10-dan artıq “təcili yardım” maşını cəlb olunub.

Bakı-Quba yolu bağlanıb.

Bundan başqa, Müdafiə Nazirliyindən bildirilib ki, N saylı hərbi hissəsinin silah anbarında yanğın nəticəsində partlayış baş vermiş əraziyə yaxın Giləzi, Sitalçay və digər yaşayış məntəqələrindəki əhalinin təxliyəsi həyata keçirilib.

Hazırda aidiyyəti qurumlar tərəfindən müvafiq təxirəsalınmaz tədbirlər davam etdirilir.

Həmçinin əraziyə, Xızı, Siyəzən və Şabran rayonlarından 10-dan artıq “təcili yardım” maşını cəlb olunub.