Bakı sakinləri təhlükə ilə üz-üzə

Ölkə.Az xəbər verir ki, məsələ ilə bağlı  Modern.az-a Nərimavov rayonunda yaşayan sakinlər məlumat verib. Sakinlərin sözlərinə görə, “Şans” MMC qəzalı vəziyyətdə olan həyət evlərini sökərək tikinti işləri aparır.
 
“Həmin həyət evləri ilə sözü gedən bina arasında 10 metrdən artıq məsafə vardı. Həyətə giriş isə həyət evləri ilə bina arasındakı yoldan idi. Əvvəl ancaq o həyət evləri olan hissəni sökmüşdülər. Yol açıq idi. Sakinlər rahat şəkildə girib çıxırdılar və heç bir narazılıq etmirdilər. Sonra qazıntı işlərini genişləndirdilər. Katlavan binaya yapışıb. Həyətə giriş-çıxış da bağlanıb. Məcbur olub fırlanıb başqa həyətdən evimizə daxil oluruq”
 
Sakinlər deyir ki, problem bununla da bitmir. 
 
“Toz - torpaq, səs-küydən evdə oturmaq olmur. Betonlama, qazıntı işləri aparılanda evimiz silkələnir. Uşaqlar həyətdə oynaya bilmirlər. Çox acınacaqlı durumdur. Memarlıq və Şəhərsalma idarəsindən də Nərimanov icra hakimiyyətinə bu formada tikinti işlərinin aparılmasının doğru olmadığı haqqında müraciət olunub”