Yaponiya BMT-nin Təhlükəsizlik Şurasını təcili iclasa çağırdı
Şimali Koreya yeni raket sınaqdan keçirib.
"Ölkə.Az" xəbər verir ki, Yaponiyanın təşəbbüsü ilə BMT-nin Təhlükəsizlik Şurası təcili iclasa çağırılıb. İclas bu gün keçiriləcək.
Yaponiyanın baş naziri Sindzo Abe yapon ərazisinin üstündən buraxılan raketi "düşüncəsizlik və əvvəl heç görülməyən ciddi təhlükə" adlandırıb. Bu təhlükə regionda sülh və təhlükəsizliyə zərbədir. Onun Təhlükəsizlik Şurasının iclasını çağırmaq tələbini ABŞ və Cənubi Koreya da dəstəkləyib.
Qeyd edək ki, bir müddət əvvəl Şimali Koreya Yaponiyanın Toxoku regionu istiqamətində raket atmışdı. Raket Yaponiyanın şimal əyalətlərinin üzərindən uçaraq üç hissəyə bölünüb Sakit okeana düşüb.
Hikmət Həsənov
Ölkə.Az
