ABŞ BMT-dəki diplomatlarının sayını azaldır

"Ölkə.Az" xəbər verir ki, bu barədə mətbuata diplomatik mənbələr məlumat verib.

Bildirilir ki, bu qərar maliyyə səbəbindən qəbul edilib. ABŞ dövlət departamentinin başçısı Reks Tillerson nazirliyin büdcəsinə qənaət etmək niyyətindədir.

Bu dəyişikliklə əlaqədar olaraq Baş Assambleyadakı diplomatların 70-indən 30-u ixtisara düşə bilər. ABŞ nümayəndələrinin sayı isə min nəfərdən bir neçə yüz nəfərə qədər azaldıla bilər.

Qeyd edək ki, BMT-nin Baş Assambleyasının 72-ci qurultayının açılışı 12 sentyabra planlaşdırılıb. 19 sentyabrdan isə ümumi siyasi debatlar start götürəcək.

Hikmət Həsənov
Ölkə.Az