Yaponiyada atom bombasının son qurbanı dünyasını dəyişdi

"Ölkə.Az" xəbər verir ki, xibakusiya hərəkatının son üzvü 88 yaşında dünyasını dəyişib. Xibakusiya atom bombası nəticəsində Xirosima və Naqasakidə ziyan çəkən şəxslərə verilən addır.

Sumiteru Taniquti 1945-ci ilin 9 avqust tarixində ABŞ-ın Naqasakiyə atdığı atom bombasında xəsarət alanlar arasında ən məşhurlarından biri idi. O dövrdə yeniyetmə olan Sumiterunun bütün bədəni yanıb. Onun "qırmızı kürək" adlı fotosu dünyada böyük rezonansa səbəb olmuşdu.

Partlayış vaxtı Taniquti bombanın episentrindən 2 km aralıda idi və velosipedlə poçt paylayırdı.

2015-ci ilə Sumiteru öz xatirələrini anlatmışdı: "Ayağımın altında yer titrədi. Elə bil ki, güclü zəlzələ baş verdi. Özümə gələndə əllərimə baxdım. Dərim əlimdən sallanırdı. Amma o an ağrı hiss etmirdim".

Sumiterunun yaraları o dərəcədə şiddətli idi ki, 2 il sonra otura bilirdi və 1949-cu ildə xəstəxanadan evə buraxıldı. O, ömrünü nüvə silahına qarşı mübarizəyə həsr etmişdi.

Hikmət Həsənov
Ölkə.Az