Boks üzrə dünya çempionu qız məşq vaxtı dünyasını dəyişdi

"Ölkə.Az" xəbər verir ki, insident məşq vaxtı baş verib və 26 yaşlı Anjelik Dyüşmen özünü pis hiss edib. Məşq dərhal dayandırılıb və idmançı Perpenyan şəhərinin xəstəxanalarından birinə çatdırılıb.

Həkimlər bir neçə saat müdaxilə etsələr də, Anjeliki xilas etmək mümkün olmayıb. Hazırda ekspertlər ölümün səbəbini araşdırmağa çalışırlar. İlkin versiyaya əsasən 26 yaşlı idmançının ağciyər arteriyalarının tutulması baş verib. Bu isə ürəyinin dayanması ilə nəticələnib.

Anjelik 2012-ci ildən peşəkar boksla məşğul olur. Əvvəlcə Fransa çempionu, sonra Avropa birinciliyini əldə edib. 2017-ci ilin may ayında isə dünya çempionu olub. Oktyabr ayında titulunu qorumaq üçün rinqə çıxmalı idi.

Dyüşmenin atası da boskçu olub. 4 il əvvəl isə ata Dyüşmen ürək problemi səbəbindən dünyasını dəyişmişdi.

Hikmət Həsənov
Ölkə.Az