TƏBİB vaksindən sonra antitel yaranmaması iddiasına münasibət bildirdi - FOTO
“Ölkə.az xəbər verir ki, o, aprelin 21-də ikinci doz “CoronaVac” vaksini vurandan sonra antitel analizi verdiyini bildirib:
“İki doz Çin vaksini vurdurdum. Qaydaya görə, birinci dozanı vurandan 40 gün sonra ikincini vurmaq şərti ilə antitel əmələ gəlməli idi. Amma 40 gün yox daha çox vaxt keçməsinə baxmayaraq orqanizmdə antitel əmələ gəlməyib. Paradoksal hal budur ki, vaksin heç bir effekt verməsə də, mən yeni vaksin vura bilmərəm. Çünki sistem elə qurulub ki, vaksinasiyadan ancaq altı ay sonra venidən peyvənd olunmaq olar. Bu səmərəsiz vaksini ancaq vaksin vurmaq xətrinə adamlara vurmağın nə mənası var?” – jurnalist qeyd edib.
Tibbi Ərazi Bölmələrini İdarəetmə Birliyinin (TƏBİB) İctimaiyyətlə əlaqələr və marketinq şöbəsinin əməkdaşı Elnarə Baxış isə jurnalistin iddialarına cavab verib. O bildirib ki, immunoglobulinlərin formalaşması isə indvidiualdır:
“Elmi araşdırmalara görə, "Coronovac" vaskininin effektivlik göstəricisi 83,5 faiz, ölüm və ağırlaşma hallarının qarşısının alınmasında isə 100 faizdir. İmmunoglobulinlərin formalaşması isə indvidiualdır. İndiyədək 2 milyondan çox vaksin vurulub və yüksək nəticə əldə olunub.
Qan analizlərində nəticə görünməsə belə, hüceyrə səviyyəsində mütləq immunitet formalaşır, lakin təəssüf ki, hüceyrə yaddaşını laborator müayinələrlə yoxlamaq mümkün deyil” – qurum rəsmisi qeyd edib.
