Həkim-terapevt: “Qripin müalicəsində antibiotiklərdən istifadə oluna bilməz”
“Deyirlər ki, qripsənsə, antibiotik qəbul elə, “o dəqiqə” sağaldır. Xeyr, bu yanlış yanaşmadır”.
"Ölkə.Az" Report-a istinadən xəbər verir ki, bunu həkim-terapevt Rəhilə Əliyeva deyib.
O bildirib ki, qrip və digər virus infeksiyalarının müalicəsində antibiotik tərkibli dərmanlar təyin edilə bilməz: “Yalnız virus xəstəliklərin gedişinə bakterial infeksiya qoşulduğu zaman antibiotik tərkibli vasitələrdən istifadə etmək olar”.
Həkim-terapevt qeyd edib ki, qripin müalicəsində antibiotiklərin heç bir rolu yoxdur: “Qrip və virus zamanı vitaminlərdən istifadə edərək immun sistemini gücləndirmək daha məqsədəuyğundur. Yəni, müəyyən miqdarda vitaminlər qəbul edərək immun sisteminizi gücləndirə və xəstəliklərdən uzaq ola bilərsiniz”.
